प्यूठान जिल्लास्तरीय शिक्षक नायक कार्यशाला गोष्ठी रजबारामा सुरू
अर्थपूर्ण न्युज
पवन पोख्रेल
कार्तिक-२९
ने.रे.सो जिल्ला शाखा प्युठानको आयोजना तथा ने.जु.रेस श्री खरा मावि रजबारा प्युठानको आतिथ्यतामा प्युठान जिल्लास्तरीय रेडक्रस शिक्षक नायक कार्यशाला गोष्ठी हिजो कार्तिक २८ गतेदेखि रजबारामा शुभारम्भ भएको छ ।
कार्तिक २८ र २९ गते गौमुखी गापा ३ रजबारामा रहेको खरा मावि विद्यालयमा चल्ने उक्त २ दिने कार्यक्रमको अध्यक्षता वि व्यस अध्यक्ष माधव कुमार कार्कीले गर्नुभएको थियो, प्रमुख अतिथि गौमुखी गाउपालिका अध्यक्ष विष्णु कुमार गिरी, विशिष्ट अतिथीहरूमा नेपाल रेडक्रस सोसाईटी प्युठानको सभापति गुमानराज पुलामी र गाउँपालिका उपाध्यक्ष महावीर राना रहनुभएको थियोे ।
प्युठान जिल्ला भरका शिक्षक नायकहरूको बाक्लो उपस्थिती रहेको उक्त कार्यक्रममा ७७ जुनियर तथा युवा रेडक्रस सर्कलको सहभागीता रहेको थियो ।
उक्त कार्यक्रमा जुनियर तथा युवा रेडक्रस सर्कल कार्यप्रणाली निर्देशिका माथी व्यापक छलफल र विद्यालयहरूमा रेडक्रस अभियानका क्षेत्रमा भएका अशल अभ्यासहरूको बारे प्रस्तुत गरिएको थियो ।
अब आगामी दिनहरूमा जुनियर तथा युवा रेडक्रस सर्कलका गतिविधी विकास तथा विस्तारमा यो कार्यशाला गोष्ठी कोशेढुङ्गा सावित हुने विस्वास लिएको नेपाल जुनियर रेडक्रस उपसमिती प्युठानका संयोजक सिव बहादुर एम।सीले बताउनुभयो ।
कार्यक्रमको सञ्चालन विद्यालयका शिक्षक नायक सुन्दर मल्लले गर्नुभएको थियोे ।
