विद्यालयमा अक्षयकोष खडाः-अक्षय कोषका संस्थापकलाई विद्यालयद्वारा धन्यवाद प्रकट

विद्यालयमा अक्षयकोष खडाः-अक्षय कोषका संस्थापकलाई विद्यालयद्वारा धन्यवाद प्रकट

कालिदास आत्रेय                   
कार्तिक-२३                            
गुल्मी।दौघा हरि आधारभूत विद्यालय छत्रकोट ६ मोहरे गुल्मीमा एक अक्षयकोष खडा गरिएको छ।

छत्रकोट गाउँपालिका वडा  नम्बर ६ दौघा नौधारा निवासी यस श्री दौघा हरि आधारभूत विद्यालयका भूपू शिक्षक स्वर्गीय झमान सिंह थापाका छोरा ,  ताराबहादुर थापा र मानबहादुर थापाका बाबा सुबेदार सोमान सिंह थापाद्वारा आफ्नी धर्मपत्नी स्वर्गीय चुरादेवी थापाको वार्षिक पुण्य तिथिको अवसर पारेर रु १ लाख १ हजार १११ को अक्षय कोष खडा गर्नुभएको छ। सो अक्षय कोषको ब्याजबाट  वर्षेनी विद्यालयको शैक्षिक गुणस्तर वृद्धिको लागि विद्यालय व्यवस्थापन समितिको निर्णय अनुसार खर्च गरिने भएको छ।

अक्षय कोषको रकम हस्तान्तरण विद्यालय व्यवस्थापन समिति अध्यक्ष रामबहादुर ज्ञवाली, सल्लाहकार समिति संयोजक थम्मन ज्ञवाली, कार्यपालिका सदस्य एवं विद्यालय व्यवस्थापन समिति सदस्य कमला   ज्ञवाली,  विद्यालय व्यवस्थापन समिति सदस्य बिष्णु प्रसाद ज्ञवाली , कृष्ण प्रसाद ज्ञवाली र प्रधानाध्यापक कालिदास आत्रेयको रोबरमा हस्तान्तरण गरिएको थियो।

अक्षय कोषका संस्थापकलाई विद्यालय परिवारले धन्यवाद प्रकट गरेको छ।